Escola de Naturalistas

ESCOLA DE NATURALISTAS NA RESERVA DE BIOSFERA MARIÑAS CORUÑESAS E TERRAS DO MANDEO

Comprácenos anunciarvos o comezo do prazo de inscrición para a primeira promoción da Escola de Naturalistas na Reserva de Biosfera Mariñas Coruñesas e Terras do Mandeo (rbMCeTM).

Escola de naturalistas é unha actividade única no ámbito de formación ambiental en Galicia, dirixida ao aprendizaxe e identificación dos elementos que compoñen a biodiversidade galega. Nesta nova iniciativa, pretendese poñer en valor e amosar a riqueza biolóxica da Reserva de Biosfera Mariñas Coruñesas e Terras do Mandeo ao público interesado en aumentar os seus coñecementos da zona.

A actividade transcorrerá dende abril ata novembro de 2016, en 8 bloques (ornitoloxía, mastozooloxía, botánica, entomoloxía, herpetoloxía, odonatoloxía, anelamento científico e fotografía da natureza), que comprenden diferentes disciplinas que serán impartidas por expertos na materia.

Para información máis detallada sobre esta actividade, consulta as bases da Escola de Naturalistas na Reserva de Biosfera:

BASES DA ACTIVIDADE

Prazas limitadas.
Cota de matrícula: 60 euros*
Diploma acreditativo de participación ao finalizar o curso.

Se estas interesado nesta nova actividade, remítenos a túa solicitude antes das 23:59 horas do venres 15 de abril de 2016 (data de peche de inscricións), enchendo e enviando debidamente o formulario de inscrición dispoñible na seguinte ligazón:

Acceso ao formulario de inscrición

Descarga o cartaz da I promoción da Escola de Naturalistas na rbMceTM:

• Cartaz Escola rbMCeTM(formato pdf)
• Cartaz Escola rbMCeTM(formato jpg)

(*) Estanse a tramitar becas por parte da Reserva da Biosfera para os matriculados. Dependente de resolución de axudas públicas.