Hosting por dinahosting.

MELLORA E DIFUSIÓN DA BIODIVERSIDADE ASOCIADA ÁS EXPLOTACIÓNS AGRARIAS ADHERIDAS Á MARCA RESERVA DE BIOSFERA

A Reserva de Biosfera pon en marcha o proxecto de Mellora e difusión da biodiversidade asociada ás explotacións agrarias adheridas á Marca da Reserva de Biosfera. Este proxecto está dirixido aos produtores adheridos á marca da Reserva de Biosfera “Mariñas Coruñesas e Terras do Mandeo”, con prioridade para aqueles de produción hortícola e de viñedos, consistindo na elaboración e instalación de, segundo as necesidades:

  • Caixas niño
  • Hoteis de insectos

A súa fabricación baséase en materiais naturais, fabricados con produtos locais dentro dos límites da propia Reserva de Biosfera.

Instalaranse estes elementos para favorecer a biodiversidade agraria nas distintas explotacións, e a realización de visitas de avaliación para adaptar a colocación de refuxios a cada casuística particular. Ademais das visitas de avaliación e das propias instalacións in situ, os traballos complementaranse con fotografías das explotacións e un traballo de seguimento de resultados, que servirán para dar a coñecer a marca.

Por outra banda, co obxectivo de reforzar o labor de concienciación e sensibilización vencellada á fauna autóctona, fundamentalmente con destino aos máis pequenos, proponse a realización dos seguintes materiais:

  • Elaboración de especies de fauna autóctona en resina para traballar nos colexios.
  • Elaboración de moldes de pegadas de fauna autóctona orientada aos colexios.
  • Materiais para a identificación de rastros de fauna autóctona.

Deja un comentario