Eco-comedores Biosfera
PROXECTO
“EcoComedores da Biosfera”: ferramenta para un cambio social, animando o consumo de produtos ecolóxicos de tempada e proximidade en centros escolares.
Con este proxecto búscase analizar a situación actual e establecer accións de mellora, tanto para a produción e a loxística, como para as escolas, buscando enraizar máis ou proxecto xa iniciado.
Participan no proxecto GAL Mariñas-Betanzos e a Escola A Caracola, ademáis de 11 centros escolares e a Asociación ALEGA.
No ano 2015 a Asociación Mariñas-Betanzos deseñou un Plan Alimentario co apoio da Fundación Biodiversidade, para potenciar a creación de “emprego verde” con novos produtores ecolóxicos, que puideran comercializar en circuítos curtos. Fíxose unha experiencia piloto de consumo ecolóxico local, que foi crecendo ata as actuais 12 escolas, e chegando a máis de 2.000 escolares.
A principios de 2020, froito da reflexión de varios axentes ( GAL, A Caracola, Menjadors, ALEGA) sobre a situación do proxecto e as súas necesidades, demandas e retos, xurde a idea de impulsar o proxecto coa axuda da Fundación Carasso.
A Fundación Daniel e Nina Carasso foi creada en 2010, en honra a Daniel Carasso, fundador de Danone, e á súa dona Nina. O seu traballo é pioneiro no concepto de Alimentación Sostible co obxectivo dun acceso universal a unha alimentación saudable e respectuosa coas persoas e os ecosistemas.
O Proxecto “Eco-Comedores da Biosfera” enmárcase na Convocatoria de proxectos 2020 do Programa de Alimentación Sostible da Fundación Carasso, que cofinanciará o desenvolvemento das actuacións.
A Alimentación visualizouse como unha ferramenta de mitigación do cambio climático, que contribúa ao desenvolvemento rural, á conservación da biodiversidade e a paisaxe, e a un cambio de modelo de consumo.
Durante os anos 2021 e 2023 preténdese realizar unha avaliación da situación actual onde xa se está consumindo produto ecolóxico de tempada en 12 colexios, atendidos por ALEGA, ademáis de sensibilizar e capacitar no deseño e elaboración dos menús escolares, e a súa adaptación ás producións de tempada da zona, incrementando o consumo de froita e proteína vexetal e facilitando o seu deseño mediante manuais de apoio.
Por último, buscarase reforzar os vínculos do proxecto coa comunidade escolar, para que coñezan a fondo a iniciativa e a importancia da súa implicación activa. Ademáis se analizará a posibilidade de incorporar máis escolas na Coruña e outros municipios da Reserva de Biosfera, e implicando a administración local e rexional neste proceso de cambio.
ACCIÓNS DO PROXECTO:
- ANÁLISE DA SITUACIÓN ACTUAL E IDENTIFICACIÓN DE NECESIDADES DO SECTOR PRODUTOR.
- DEFINICIÓN DA SITUACIÓN ACTUAL E IDENTIFICACIÓN DE NECESIDADES DOS COMEDORES EN CADA CENTRO EDUCATIVO
- AVALIACIÓN DE POSIBILIDADES DE INCORPORACIÓN DE NOVOS OPERADORES ECOLÓXICOS E NOVOS COMEDORES Á INICIATIVA E DA CREACIÓN DUNHA CENTRAL DE COMPRAS
- DEFINICIÓN DE CONTIDOS ESPECÍFICOS PARA O APOIO TÉCNICO AO SECTOR PRODUTOR E Á COMUNIDADE ESCOLAR
- IMPLEMENTACIÓN DE ACTUACIÓNS PARA O SECTOR PRODUTOR
- IMPLEMENTACIÓN DE ACTUACIÓNS PARA A COMUNIDADE ESCOLAR
- ELABORACIÓN DE MATERIAIS PARA ANIMAR E DINAMIZAR OS OBXECTIVOS DO PROXECTO.
- DIFUSIÓN E COMINICACIÓN.
- MEDICIÓN DO IMPACTO DO PROXECTO
MATERIAIS DO PROXECTO:
1- GUÍA PARA COMIDAS SAUDABLES E SOSTIBLES EN FAMILIA
Publicación para promover a introdución de menús saudables e sostibles para as comidas en familia.
Cun enfoque práctico esta publicación quere axudar a concienciar ás familias a repensar os seus hábitos alimenticios. Así, propón o incremento da inxesta de verduras, froitas ou cereais integrais, así como a redución do consumo de bebidas azucradas, sal ou alimentos ultraoprocesados.
2- CALENDARIO PRODUTO DE TEMPADA
Podes descargar esta guía, coas producións de tempada.
4- VIDEOS
EcoComedores (versión galego)
https://www.youtube.com/watch?
EcoComedores (versión castellano)
De la huerta a la mesa
4- GUÍA DE PRODUTOS AGROALIMENTARIOS DE EXCELENCIA DA RESERVA DE BIOSFERA
GUÍA DE PRODUTOS AGROALIMENTARIOS DE EXCELENCIA DA RESERVA DE BIOSFERA
