Como seguramente xa coñecedes, dende a Reserva de Biosfera Mariñas Coruñesas e Terras do Mandeo, estamos a participar nun proxecto do programa europeo LIFE dirixido á mellora dos corredores fluviais dalgunhas das zonas de maior valor ambiental do noso territorio. Podes consultar toda a información do proxecto en www.lifefluvial.eu.
O 16 de abril, dende o proxecto LIFE Fluvial programouse un seminario online sobre a importancia da conservación dos corredores fluviais na recuperación da ictiofauna piscícola, na que participaron máis de 70 persoas.
Tratouse dunha interesante xornada dirixida a persoal especializado en materia de medio ambiente e de conservación de cursos fluviais.
