A Reserva de Biosfera Mariñas Coruñesas e Terras do Mandeo aumentará o número de establecementos hostaleiros adheridos á súa marca de calidade.
Un total de 24 empresas -12 restaurantes e 12 aloxamentos- formalizaron a súa solicitude para a súa certificación. Uniríanse así aos 19 restaurantes que xa obtiveron o selo en 2019.
A entidade comezou onte a formación individualizada con estes negocios para a obtención da certificación. Recibirán, superado o proceso, a homologación en calidade turística Sicted e a inclusión no Club de Ecoturismo de España. A iniciativa de Restaurantes da Biosfera e de Aloxamentos da Biosfera é promovida pola Reserva para potenciar o tecido hostaleiro e crear sinerxias cos produtores.
