O próximo 21 de marzo conmemórase o Día da Árbore e o Día Internacional dos Bosques, e dende a Reserva de Biosfera e os seus 17 Concellos estamos a preparar un conxunto de actividades para celebrar este Día, no que traballaremos especialmente cos centros educativos do territorio no fomento do respecto pola natureza.
E ti, coñeces unha árbore senlleira no territorio da Reserva de Biosfera?
Anímate e envíanos a súa fotografía dende a Aplicación para móbiles de «Mariñas Coruñesas e Terras do Mandeo».
