CONVOCATORIA DO CONCURSO DE FOTOGRAFÍA
ANUNCIO: A Asociación de Desenvolvemento Rural Mariñas-Betanzos convoca o 3 de maio do 2016 o seguinte evento:
“CONCURSO DE FOTOGRAFÍA III ANIVERSARIO RESERVA DE BIOSFERA MARIÑAS CORUÑESAS E TERRAS DO MANDEO”
O prazo de admisión de fotografías comezará desde o 3 de maio de 2016 ás 10:00 horas ata o 23 de maio de 2016, ás 14:00 horas. Segundo orde de recepción, publicarase o listado de participantes admitidos, por pseudónimo e correo electrónico.
Dentro dos actos conmemorativos pola celebración do III Aniversario da declaración da Reserva de Biosfera “Mariñas Coruñesas e Terras do Mandeo”, a Asociación de Desenvolvemento Rural Mariñas-Betanzos, convoca un Concurso de Fotografía relacionado coa posta en valor das vantaxes competitivas que supón o feito de ser declarado como Reserva de Biosfera pola UNESCO este territorio da provincia da Coruña, que abarca un total de 17 Concellos: Abegondo, Aranga, Arteixo, Bergondo, Betanzos, Cambre, Carral, Coirós, Culleredo, Curtis, Irixoa, Miño, Oleiros, Oza-Cesuras, Paderne, Sada e Sobrado.
As fotografías deben estar tomadas durante os últimos dous anos (despois do 1 de xaneiro de 2014).
Os obxectivos do Concurso serán:
Obxectivo 1: Promover a valorización, a defensa e protección do patrimonio natural, cultural e paisaxístico, así coma a concienciación medioambiental na cidadanía reflectindo con fidelidade as situacións naturais, respectando a orixinalidade da contorna, a conservación dos seres vivos no seu hábitat, evitando o sufrimento, a perturbación ou as interferencias no seu comportamento.
Obxectivo 2: A promoción e o desenvolvemento socioeconómico dos Concellos que forman parte desta figura recoñecida internacionalmente pola UNESCO, mediante o reposicionamento turístico a través do rescate dos valores singulares que agocha este territorio e o compromiso cos mesmos.
Obxectivo 3: Reunir un Banco de imaxes actualizado, de propia produción, que axude a promocionar a devandita área en diferentes propostas ao longo do ano.
Para máis información e Bases da Convocatoria: Bases Concurso de Fotografía_Aniversario RB_firmado
