Continuamos avanzando no Programa de Participación Ambiental para o seguimento fenolóxico de diferentes especies que están presentes nas Reservas da Biosfera de Galicia, e que estamos a desenvolver xunto co CEIDA e co apoio da Fundación Biodiversidad, do Ministerio de Agricultura, Alimentación e Medio Ambiente.
O pasado martes día 12 de abril, realizáronse diferentes presentacións na Reserva de Biosfera Área de Allariz, e nas vindeiras datas continuaremos traballando nas outras Reservas de Biosfera de Galicia.
Trataremos de facer que rapaces e rapazas das 6 Reservas de Biosfera de Galicia se convirtan en vixías ambientais, realizando o seguimento de distintas especies de flora e fauna e observando como inflúe nelas o cambio climático. Para elo contarán ademáis co apoio bibliográfico das nosas maletas viaxeiras, que recollen diferentes guías de flora e fauna coas que aprenderán a identificar debidamente as especies presentes no territorio.
Xúntase a nota de prensa que publicaron no diario “La Región” de Ourense:
Máis información sobre o proxecto: http://www.ceida.org/grupo-traballo-das-reservas-da-biosfera-galicia/proxecto-fenoloxico.html
