O programa de educación ambiental “Educando na Biosfera” levou o venres a un centenar de alumnos do CEIP San Marcos a coñecer parte da contorna natural e patrimonial do territorio. É un plan que organiza o Concello de Abegondo coa colaboración da Reserva de Biosfera As Mariñas Coruñesas e Terras do Mandeo.
Persoal técnico da Reserva desprazouse cos escolares ata o Castelo de Santa Cruz e a súa contorna. Alí visitaron o CEIDA, onde viron esculturas realizadas con restos de lixo, coñeceron a flora da zona e participaron en contacontos.
O obxectivo do programa é levar a riqueza da Reserva aos centros educativos.
