Xornada Patrimonio e Camiño Inglés na Reserva de Biosfera Mariñas Coruñesas e Terras do Mandeo

Anualmente dende a Reserva de Biosfera Mariñas Coruñesas e Terras do Mandeo, preténdese acercar ós estudantes da Escola Universitaria de Turismo este territorio recoñecido mundialmente pola UNESCO dende o ano 2013.

O venres día 22 de abril celebrarase esta xornada no Concello de Betanzos a partir das 10 horas.

Ó longo desta Xornada temática farase fincapé en:
 Dar a coñecer novas experiencias e iniciativas emprendedoras que se están a poñer en marcha no territorio da Reserva no eido do turismo.

 Coñecer o Museo das Mariñas, percorrer parte do Camiño Inglés, visitar a xoia do Casco Histórico de Betanzos e observar a enorme potencialidade patrimonial, natural e turística que presenta este territorio.

 Servir de espazo de diálogo entre os principais axentes ligados á potenciación do turismo na zona e os alumnos e profesores da Escola Universitaria de Turismo da Universidade da Coruña.

 Identificar necesidades e aportar ideas ao próximo Programa Leader 2014- 2020.

Os obxectivos desta Xornada son os seguintes:

• A utilización da Reserva de Biosfera como lugar de aprendizaxe, intercambio de experiencias e posta en marcha de iniciativas innovadoras no ámbito do turismo.
• O fomento da colaboración da Reserva de Biosfera coa Universidade: Creación dun Produto turístico integrado ó redor da temática da Reserva de Biosfera.
• • Avanzar no deseño de estratexias de posta en valor do patrimonio a través da Medida Leader (2014-2020).

Máis información no seguinte Programa:PROGRAMA